Auld Rab's Veesions ©

Aft i' the ev'nin
Thochts o' his ain kin
Cam tae mak Rab blythe
Frae strang luv they kythe
Hine aff frae moyen
O' faither's caain'
Veesions kep his speerits hich
Fyles draas oan the nicht.

Imaiginaishun
Taks occupaishun
Rab's great-hertit mynd
Whaar sich pleesur's fin
Sae clair his auld een
Whit his bleed's de-en
Wirthy the graun ongaans
Leernt frae his ain hans.

Syne Rab's mynd tirns roon tae ither thochts
The teep thit micht be bittie selfit
Lik, "The sin wull sheen i' the mornin'
Gien easedom an a o' the waarmth'it
An quait roon hoose wi nae bairns tae ban
Oar divert wi laabachs, plyaak
Fair gled thit a thon be faur wyes aff
Nae nedcessity be spyack."

The day gings oan till evenin' dreeps
A' aroon Rab's but-an-ben.

He aets ..... his denner
An neest he waashes up
He poors a dram
An his a wee bit sup

Sits doon tae hiv a dwam ....

He dwams ilk ev'nin
An thochts o' his kin
Cam tae mak him blythe
Frae strang luv they kythe
Hine aff frae moyen
O' faither's caain'
Veesions kep his speerits hich
Fyles draas oan the nicht.

Imaiginaishun
Taks occupaishun
His great-hertit mynd
Whaar sich pleesur's fin
Sae clair his auld een
Whit is noo bein' de-en
Wirthily ... Leernt frae his hans.