7:40 pm Thursday, 27 July 2017
* Home

Sections
* Ballads
* Ballad Features
* Burns
* McGonagall
* Other Poetry
* Scottish Writers
* Scots Glossary

Poets
* Alphabetical List
* Featured List

Poems
* List of Topics

Songs
* Scottish Songs
* Modern Songs

Submissions
* Submit a Poem
* Submit a Song

Policies
* Copyright
* Permission
* Privacy
* Standards

Web Links
* Other Sites

Contact
* About Us
* E-mail Us

To A Haggis

by Robert Burns

Robert Burns - Scottish Poet

Fair fa' your honest sonsie face,
Great chieftain o' the puddin'-race!
Aboon them a' ye tak your place,
Painch, tripe, or thairm:
Weel are ye wordy o' a grace
As lang's my arm.

The groaning trencher there ye fill,
Your hurdies like a distant hill;
Yor pin wad help to mend a mill
In time o' need;
While thro' your pores the dews distil
Like amber bead.

His knife see rustic Labour dight,
An' cut you up wi' ready sleight,
Trenching your gushing entrails bright
Like ony ditch;
And then, O what a glorious sight,
Warm-reekin', rich!

Then, horn for horn they stretch an' strive,
Deil tak the hindmost, on they drive,
Till a' their weel-swall'd kytes belyve
Are bent like drums;
Then auld guid man, maist like to rive,
Bethankit hums.

Is there that owre his French ragout,
Or olio that wad staw a sow,
Or fricassee wad mak her spew
Wi' perfect sconner,
Looks down wi' sneering, scornfu' view
On sic a dinner?

Poor devil! see him owre his trash,
As feckless as a wither'd rash,
His spindle shank a guid whip-lash,
His nieve a nit;
Thro' bloody flood or field to dash,
O how unfit!

But mark the rustic, haggis-fed,
The trembling earth resounds his tread,
Clap in his walie nieve a blade,
He'll mak it whissle;
An' legs, an' arms, an' heads will sned,
Like taps o' thrissle.

Ye Pow'rs, wha mak mankind your care,
And dish them out their bill o' fare,
Auld Scotland wants nae skinking ware
That jaups in luggies;
But, if ye wish her gratefu' prayer,
Gie her a Haggis!


Web Site Developed by
www.itserve.co.uk - for IT Services Solutions and Support
© 1999 - 2007
IT-SERVE for web design and computer services in Glenrothes, Fife, Scotland

IT-SERVE for web design and computer services in Glenrothes, Fife, Scotland
Return to top